AzizA Mətbəx 11-01-2019, 10:50

Borş

Ərzaqlar;

•1 kq sümüklü mal əti
•Kərə yağı və ya duru yağ
•1 soğan
•1 çuğundur
•2 kök
•2 yemək qaşığı tomat
•3-4 dəfnə yarpağı
•1 kələm
•3 kartof
•2 dəst doğranmış cəfəri
•Duz
•İstiot

Hazırlanması;

•Bir qazana mal ətini qoyub, üstünə təxminən 10-15 stəkan su töküb qaynadın
•Tez-tez kəfini yığın. Ət yumuşalanadək orta dərəcədə bişirin
•Ətin suyunu süzün ki, təmizlənsin
•Sonra ət suyunu və əti qazana qoyun
•Ətin bişdikcə digər ərzaqları hazırlayın
•Soğanı xırda-xırda doğrayın
•Çuğundur və kökü sürtkəcin iri hissəsindən keçirin
•Kələmi isə nazik-nazik doğrayın
•Kartofları soyun və iri-iri dilimləyin
•Tavada yağı qızdırın və soğanı bu yağda qovurun
•Çuğundur və kökü soğana əlavə edib, təxminən 10 dəqiqə ərzində, yumuşalanadək bişirin
•Sonra tomat, duz, istiot əlavə edib, təxminən 5 dəqiqə də bişirin
•Bişən tərəvəzlərin üzərinə dəfnə yarpağını və ət suyunu əlavə edin
•Qaynadın, sonra kələm, kartof və cəfərini əlavə edib kələm və kartof yumuşalanadək bişirin
•Hazır borşu boşqablara töküb süfrəyə qoyun
•Borşun yanında qatıq da qoya bilərsiz

Qeyd;

•Ət bişdikcə suyun bir qismi buxarlanacaq, əgər ət suyu azdırsa, qazana bir az su əlavə edin
•Ərzaqları isə ailə üzvlərinin sayına görə azaldıb və ya artıra bilərsiz

Nuş olsun.