Hər zamankindən daha çox

Elə bir haldaydım ki heç bu qədər kimsəsiz hiss etməmişdim özümü. Təkliyim ən yaxın dostum olmuşdu mənə. Toxunma mənə daha çox yandırma canımı. Ağlamamaq üzrə söz verdiyim qürurumu da tapdaladım atdım yenə. Qəribədir ki; özümə belə söz keçirə bilməz oldum artıq. Öz həyatıma belə istiqamət verə bilməz oldum. Özünü səhnəmdən baş rolunu oynadığım bu filmdən çəkildiyimi hiss edirəm. Yoruldum !..

Gözüm,qulağım qapıda idi həmişə. Ən kiçicik bir səsdə geri döndüyünü düşündüm. Kölgən belə addım-addım qaçırdı sanki məndən. Halbuki heçnə olmamışcasına girəcəkdin qapıdan qulağıma pıçıldayacaqdın. "Mən gəldim" deyəcəkdin yuxudan oyandırmayacaqdın. "Sevgilim" deyəcəkdim sənə "sevdiyim xoş gəldin!" O an dünyanın ən xoşbəxt insanı mən olacaqdım, olmadı. Amma hər yeni doğan günəşə inad gözlədim mən hər gecə səni. Bilməsəndə bilmək istəsəsəndə elə dəli sevdim ki səni! Çox sevdim!

Bir zamanlar məni buludların üstündə yaşadan o insan "sənin" üçün darıxdım. Və onun gözlərində özünü tapan tam-əskiksiz olan o kiçik qızı "mənim" üçün darıxdım. Amma ən çoxda "bizim" üçün darıxdım. Və bizi axtardım bu gecə hər kəsdə,hər şeydə,tozlu albomlarda,qurudulmuş çiçəklərdə,gözyaşlarıyla islanmış şeirlərdə, hər yerdə! Tapa bilmədim !