Məsut Özil Bakıya gəlməyəcək?

Almaniya yığması ciddi itki ilə üzləşib. 

Loading.az apasport.az-a istinadən, yarımmüdafiəçi Məsut Özil sıradan çıxıb. Ulduz futbolçu "Arsenal"ın son məşqlərinin birində zədə alıb. Bunu mətbuata açıqlamasında "topçular"ın baş məşqçisi Arsen Venger bildirib. Məhz bu səbəbdən Özilin DÇ-2018-in seçmə mərhələsində Azərbaycanla keçiriləcək qarşılaşmanı buraxmaq ehtimalı yüksək dəyərləndirilir. Tibbi müayinədən sonra onun Bakıya gəlib-gəlməyəcəyi müəyyənləşəcək. Qeyd edək ki, Azərbaycan - Almaniya qarşılaşması martın 26-da Tofiq Bəhramov adına Respublika Stadionunda keçiriləcək.