Yaz-yay makiyajı necə olmalıdır?

Yaz-yay aylarında xanımları narahat edən məsələlərdən biri də necə makiyaj etməkdir.

Maraqlıdır, yaz-yay aylarında necə makiyaj edilməlidir?

Kosmetoloq Aytəkin İsmayılova deyib ki, yazda ağır makiyajlardan uzaq durun: 

"Tonal krem, pudra kimi sıx makiyaj məhsulları, xüsusilə, gündüz makiyajında istifadə edilməməlidir. Həm dərinin ən çox hava olması lazım olan dövrdə bunu əngəlləyir, həm də tərləmənin də təsiri ilə yağlı bir görünümə səbəb olur. İlk növbədə təbii gözəlliyinizi qoruyub saxlamaq üçün bol su və kifayət qədər yuxu mütləqdir. Yorğun və yuxusuz bir bədən, dərinin görünüşünə birbaşa mənfi təsir göstərir. Düzgün makiyajın ilk şərti sağlam və parlaq dəridir".