İslam tarixində ilk hicrət hadisəsi hansı istiqamətdə olmuşdur?

Həzrət Məhəmmədə (s) peyğəmbərlik ve­rildikdən beş il sonra Məkkədə müsəlmanların vəziyyəti dözülməz həddə çatdı. Bu zaman Pey­ğəmbər müsəlmanların bir qisminə Mək­kədən çıxıb Həbə­şistana (Efi­opiyaya) köçməyi məslə­hət gördü. Çünki bu ölkənin padşahı, xristian dininə inanan nəca­şi ədaləti ilə şöhrət qazanmışdı. Həbəşistana hicrət iki mərhələdə baş verdi. Miladi 614-cü ildə 15 nəfərlik bir dəstə, növbəti il daha 100 nəfər hicrət etdi. Birinci dəstəyə səhabə Osman ibn Məzun, ikinci dəstəyə İmam Əlinin (ə) qardaşı Cəfər ibn Əbu Talib başçılıq edirdi. Hicrət edənlərin arasında kişilərlə yanaşı qadınlar da vardı. Müsəlman icması Həbəşistanda təqribən 13 il əmin-amanlıq içində yaşadı. Hicrətin 7-ci ilində (miladi 628-ci il) onlar Ərə­bista­na qayıtdılar.