"Barselona" 103-cü titulunu qazandı: "Real"a yaxınlaşdı

İki gün əvvəl İspaniya Superkubokunun finalı baş tutub və "Barselona" "Real"ı 3:2 hesabı ilə məğlub edib.

Loading.aZın xarici mediaya istinadla xəbərinə görə, bu kubok Kataloniya klubu üçün tarixdə 103-cü olub. “Kral klubu”nun 105 kubokuna çatmaq üçün daha iki titul qazanmalıdırlar.

“Real” 105 titulunu 71-i ölkə daxilində, 34-nü beynəlxalq səviyyədə qazanıb. “Barselona”nın yerli səviyyədə 81, beynəlxalq səviyyədə isə 22 kuboku var. Eyni zamanda, “Barselona” 21-ci əsrdə titulların sayına görə Madrid klubunu qabaqlayır – 41-ə qarşı 40.

Həmçinin şəxsi görüşlərdə “kral” klubu vurulan və buraxılan qollarda cüzi üstünlüyə malikdir - 444:439, 52 görüş heç-heçə başa çatıb.