Mətbəxdəki gizli təhlükə: Əriyən plastik qidaya qarışır

Mətbəxdə istifadə olunan plastik qaşıqların yüksək temperaturda əriməsi sağlamlıq üçün risk hesab olunur.

Loading.Az-ın məlumatına görə, isti yeməklərin bişirilməsi və qarışdırılması zamanı plastik alətlər temperaturun təsirindən deformasiyaya uğraya, əriyərək qidaya qarışa bilər.

Yüksək temperaturun təsiri ilə qidaya keçə bilən plastik qalıqları uzunmüddətli istifadədə sağlamlığa zərər verə bilər.

Bu baxımdan, xüsusilə qaynar yağda və ya yüksək odda yemək hazırlayarkən plastik alətlərdən istifadə tövsiyə edilmir. Taxta, metal və ya istiliyədavamlı silikon mətbəx alətlərinə üstünlük verilməsi məsləhət görülür.