Rusiya Ermənistandakı vəziyyətə münasibət bildirdi

Rusiya Ermənistan ətrafında baş verən prosesləri Moskvanın üzv olduğu inteqrasiya birliklərinə qarşı yönəlmiş təzyiq cəhdi kimi qiymətləndirir.       Sun.Az               

xəbər verir ki, bu fikirləri Rusiya Prezidentinin köməkçisi Yuri Uşakov "Primakov Oxuları" forumunda çıxışı zamanı səsləndirib.                   

Uşakov bildirib ki, "ölkəmizin birbaşa iştirak etdiyi inteqrasiya birliklərinə zərbə vurmaq məqsədi daşıyan, qaydalara əsaslanan nizamın tərəfdarlarının ardıcıl cəhdlərini müşahidə edirik".

O qeyd edib ki, bu yanaşma əsrlər boyu yanaşı yaşamış və bir-birinə dəstək olmuş xalqların ortaq tarix və coğrafiyasına yenidən baxılması ideyasının təşviqi ilə müşayiət olunur.

Uşakov belə yanaşmaları reallıqdan uzaq və əsassız hesab edərək onları "xəyal" adlandırıb.