Türkiyədə məşhurlar saxlanıldı

Türkiyəli müğənni Murat Dalkılıç saxlanılıb.

Loading.aZ xəbər verir ki, o, narkotik əməliyyatı çərçivəsində saxlanılıb.

Məlumata görə, saxlanılanlar arasında aktyor İsmail Hacıoğlu, stilist, aktyor Kadir Doğulunun qardaşı Kemal Doğulu və musiqiçi Kaan Tangöze də var. Ümumilikdə 17 nəfər saxlanılıb. Həmin şəxslərin yaşadığı ünvanlarda axtarış və müsadirə əməliyyatları aparılıb.

Qeyd edək ki, Türkiyədə ötən ildən narkotiklə bağlı həyata keçirilən əməliyyat çərçivəsində aralarında Hadise, İrem Derici, Birce Akalay, Kaan Yıldırım, Kubilay Aka, Mert Yazıcıoğlu, Doğukan Güngörün da olduğu bir çox məşhur sima saxlanılıb və daha sonra sərbəst buraxılıb.