Dünyaya gələn uşağa ad nə zaman qoyulur?

❓Sual

təzə dünyaya gəlmiş uşaqın saçı nə vaxt kəsilir, adı nə vaxt qoyulur?

✅Cavab:

Yeni dünyaya gəlmiş uşağın saçı dünyaya gəldiyi 7ci günü kəsilir və adı qoyulur necə ki Həsən ibn Səmurə radıyAllahu ənhu Allah Rasulunun sallAllahu aleyhi və səlləm belə dediyini rəvayət edir: "Doğulmuş hər bir uşaq "əqiq"i ilə bağlıdır. Yeddinci günü "əqiq"i kəsilib, saçı qırxılır və adı qoyulur"(İbn Macə; Tirmizi; Əbu Davud).

Bundan başqa saçı kəsildikdən sonra saçı tərəzidə çəkilir və saçı çəkisində gümüş sədəqə verilməsi sunnətdir, necə ki "Allah'ın Rasulunun sallAllahu aleyhi və səlləm qızı Fatimə – Həsən, Hüseyn, Zeynəb və Ummu Gülsüm'ün saçını çəkmiş və onun çəkisi qədər gümüşü sədəqə vermişdir". (İmam Məlik, Muvatta 2/501)